Xalq deputatlari Qumqo‘rg‘on tuman Kengashi raisi O‘.Xoshimov tomonidan  og‘ir toifaga kiritilgan “Arslonboyli” mahallasida aholi uchun qulay infratuzilma obyektlarini barpo etish ishlarining borishini o‘rgandi.

Loyiha doirasida 3.8 km ichki yo‘llarni asfaltlash, elektr tarmoqlarini yaxshilash bo‘yicha 4.7 km yangi tarmoq tortish, 1 dona yangi transformator o‘rnatish va 136 dona temir beton ustunlar o‘rnatish rejalashtirilgan.

Ayni paytda tasdiqlangan reja asosida amaliy ishlar izchil davom ettirilmoqda. Xususan, hozirda mahallada elektr tarmoqlarini yaxshilash yuzasidan temir beton ustunlar o‘rnatish ishlari  olib borilmoqda.

Hududda olib borilayotgan bunyodkorlik ishlari mahalla infratuzilmasini zamonaviy talablar asosida rivojlantirish, aholining kundalik turmushiga qulaylik yaratish hamda mahalla qiyofasini yanada obod va ko‘rkam etishga xizmat qiladi.

Amalga oshirilayotgan mazkur loyihalar, avvalo, aholining kundalik turmush sharoitini yaxshilash, muhandislik-kommunikatsiya infratuzilmasini rivojlantirish va hududni zamonaviy qiyofaga keltirishga qaratilgan.