Yangi o‘quv yiliga tayyorgarlik holati o‘rganildi

Xalq deputatlari Qo‘shko‘pir tumani Kengashi deputati Ro‘zmetova Gulsara Sapayevna tumandagi 44-sonli umumiy o‘rta ta’lim maktabida bo‘lib, ta’lim muassasasining yangi o‘quv yiliga tayyorgarlik holatini o‘rgandi.

O‘rganish davomida maktabda o‘quvchilar uchun yaratilgan shart-sharoitlar, sinfxonalarning jihozlanishi hamda ta’lim jarayonini samarali tashkil etish bo‘yicha amalga oshirilgan ishlar ko‘zdan kechirildi.

Ayniqsa, birinchi sinf o‘quvchilari uchun tayyorlangan, zamonaviy va alohida dizayn asosida bezatilgan sinfxonalar hamda ularga topshiriladigan Prezident sovg‘alari kichik yoshdagi o‘quvchilarda maktabga, bilim olishga va o‘qishga bo‘lgan qiziqishni yanada oshirishga xizmat qilishi ta’kidlandi.

Deputat tomonidan maktabda ta’lim sifatini oshirish, o‘quvchilar uchun munosib sharoitlarni yanada yaxshilash hamda yangi o‘quv yilini yuqori saviyada boshlash yuzasidan mas’ullarga tegishli tavsiyalar berildi.