Tashrif davomida mahalla hududidagi ko‘p qavatli uylar atrofi, ichki yo‘laklar, umumiy foydalanish hududlari hamda tutash maydonlarning bugungi holati ko‘zdan kechirildi.

Hududning sanitariya-obodonlashtirish holati, yashil maydonlarni asrash va ko‘kalamzorlashtirish, ko‘p qavatli uylar atrofini tartibli saqlash masalalariga alohida e’tibor qaratildi. Shuningdek, aholi uchun qulay va xavfsiz muhit yaratish, mavjud kamchiliklarni bartaraf etish bo‘yicha tegishli vazifalar belgilab olindi.

Mazkur tadbir mahalliy Kengash deputatlari faoliyatining eng muhim 24 ta yo‘nalishi doirasida tashkil etilib, hududlarda obodonlashtirish ishlarini tizimli nazorat qilish, aniqlangan muammolarni mas’ul tashkilotlar bilan hamkorlikda hal etish hamda fuqarolar uchun munosib yashash sharoitlarini yaratishga qaratilgan.

Deputatlik nazorati davomida mahalla faollari va mas’ullar bilan hamkorlikni kuchaytirish, hudud obodligini ta’minlash borasidagi ishlarni izchil davom ettirish muhimligi qayd etildi.

Obod mahalla — farovon hayot garovi!