Xalq deputatlari Muzrabot tumani Kengashi kotibiyati mudiri Sherboyev Dilmurod tuman Kengashi kotibiyati bosh mutaxassisi B.Xoliqov birgalikda Xalq deputatlari Muzrabot tumani Kengashi deputati Sidnenko Vera Viktorovna saylangan 17-"Do‘stlik" saylov okrugiga qarashli «Navro‘z» mahallasida “Mahallada obodlik va mehr-saxovat oyligi” doirasida targ‘ibot tadbirini o‘tkazdi.

Tadbirda «Navro‘z» mahallasi “mahalla yettiligi” vakillari hamda faollar ishtirok etdi. Uchrashuv davomida mahalla hududidagi ichki ko‘chalarni obodonlashtirish, sanitariya-tozalik ishlarini tizimli tashkil etish, yashash hududlarini ozoda saqlash, daraxt va gul ko‘chatlarini parvarishlash hamda aholi o‘rtasida ekologik madaniyatni yuksaltirish masalalariga alohida e’tibor qaratildi.

Shuningdek, fuqarolarga o‘z xonadonlari va ko‘cha oldi hududlarini namunali saqlash, chiqindilarni belgilangan tartibda chiqarish, umumiy foydalanishdagi hududlarni asrash va obodonlashtirish ishlarida faol ishtirok etish yuzasidan tushuntirish hamda targ‘ibot ishlari olib borildi.

Tadbir davomida obodonlashtirish va sanitariya sohasida mavjud muammolar yuzasidan mahalla aholisining taklif va mulohazalari tinglanib, ularni bartaraf etish bo‘yicha tegishli tavsiyalar berildi.