Haftalik_ish_reja_ijrosi
#_deputat_faoliyati
#_24_ta_masala
#_162_ta_qonun
Deputat saylovchilar murojaatlarini tingladi

Xalq deputatlari Sariosiyo tumani Kengashining “16-Bo‘yrapo‘sh” saylov okrugidan saylangan deputati A.Axmedov, tuman Kengashi kotibiyati bosh mutaxassisi N.Xamdamova, mahalla faollari hamda ko‘cha boshilari hamda hamkor tashkilotlar vakillari ishtirokida “Sharafobod” mahallasida saylovchilar bilan navbatdagi uchrashuv o‘tkazdi.

Uchrashuv davomida deputat tomonidan hududda amalga oshirilgan ishlar, aholi farovonligini oshirishga qaratilgan loyihalar hamda kelgusida rejalashtirilgan tadbirlar haqida batafsil ma’lumot berildi.

Shuningdek, Oʻzbekiston Respublikasining 2021-yil 1-aprelda qabul qilingan “Dehqon xoʻjaligi toʻgʻrisida”gi OʻRQ–680-sonli Qonunining mazmun-mohiyati aholi oʻrtasida keng tushuntirildi. Xususan, mazkur qonun dehqon xoʻjaliklarini tashkil etish va yuritishning huquqiy asoslarini belgilashi, dehqon xoʻjaliklarining huquq va majburiyatlari, yer uchastkalaridan foydalanish tartibi hamda qishloq xoʻjaligi mahsulotlarini yetishtirish va realizatsiya qilish bilan bogʻliq munosabatlarni tartibga solishi haqida batafsil maʼlumot berildi. Shuningdek, qonunda dehqon xoʻjaliklarini davlat tomonidan qoʻllab-quvvatlash, ularning qonuniy manfaatlarini himoya qilish va qishloq xoʻjaligi sohasini yanada rivojlantirishga qaratilgan normalar mavjudligi alohida taʼkidlandi.

Shundan so‘ng fuqarolarning ijtimoiy-iqtisodiy masalalar, kommunal xizmatlar, yo‘l infratuzilmasi, bandlik va boshqa sohalarga oid murojaatlari hamda takliflari tinglandi. Ko‘tarilgan har bir masala yuzasidan tegishli tashkilotlar mas’ullari tomonidan huquqiy tushuntirishlar berildi, ijrosini talab etadigan murojaatlar nazoratga olinib, ularni qonuniy muddatlarda hal etish bo‘yicha mas’ullarga tegishli topshiriqlar berildi.

Uchrashuv ochiq muloqot va o‘zaro fikr almashish ruhida o‘tib, aholini qiynab kelayotgan masalalarni o‘rganish hamda ularga amaliy yechim topishda muhim ahamiyat kasb etdi. Deputat bunday uchrashuvlar saylovchilar bilan doimiy muloqotni ta’minlash, ularning fikr va takliflarini inobatga olgan holda hududni yanada rivojlantirishga xizmat qilishini ta’kidladi.