Andijon pedagogika texnikumida bitiruvchilar uchun diplom topshirish marosimi ko‘tarinki ruhda bo‘lib o‘tdi. Tadbir davomida o‘quvchilarning ta'lim jarayonidagi yutuqlari, iqtidori, jamoat ishlaridagi faolligi hamda Vatanga sadoqati alohida e'tirof etildi.

Tadbirda Xalq deputatlari Andijon shahar Kengashi deputati Dilafruz Qurbonova ishtirok etib, bitiruvchilarni ushbu unutilmas kun bilan samimiy tabrikladi hamda ularga oliy ta'lim va kelgusidagi kasbiy faoliyatlarida ulkan muvaffaqiyatlar, ezgu orzu-intilishlari ro‘yobini tiladi.

Tadbir kuy-qo‘shiqlar, sahna chiqishlari va quvonchli lahzalarga boy tarzda o‘tib, bitiruvchilarga unutilmas taassurotlar ulashdi.

Bitiruvchilarga oq yo‘l va porloq kelajak tilaymiz!