Yangi O‘zbekistonda yoshlarning ma'naviy kamolotini
yuksaltirish, kitobxonlik madaniyatini rivojlantirish hamda ularda Vatanga
sadoqat, milliy qadriyatlarga hurmat va yuksak fuqarolik mas'uliyatini
shakllantirish davlat siyosatining ustuvor yo‘nalishlaridan biridir.

Shu maqsadda Xalq deputatlari Qo‘shko‘pir tuman Kengashi
deputati S. O‘razmetov hamda kotibiyat bosh mutaxassisi S.
Matyaqubova Chamanzor mahallasida faol yoshlar bilan "Kitobni
yaxshi ko‘rgan xalq – Vatanni ham qadrlaydi" mavzusida
ma'naviy-ma'rifiy uchrashuv o‘tkazdi.

Uchrashuv davomida kitob mutolaasining shaxs kamoloti,
intellektual salohiyat va vatanparvarlikni yuksaltirishdagi o‘rni alohida
ta'kidlandi. Yoshlarni kitobxonlikka keng jalb etish, ularning bo‘sh vaqtini
mazmunli tashkil etish hamda Yangi O‘zbekiston taraqqiyotiga munosib hissa
qo‘shadigan bilimli va tashabbuskor avlodni voyaga yetkazish masalalari
yuzasidan fikr almashildi.

📖 Kitob – tafakkur manbai,
🇺🇿 Bilimli yoshlar – Yangi
O‘zbekiston tayanchi!