Xalq deputatlari Termiz shahar Kengashi raisi, deputat D.Normuradova, Kengash kotibiyati mudiri, deputat A.Ashurov hamda Kengashning 14-“Bog‘zor” saylov okrugi deputati O.Sharofutdinovalar okrugga qarashli “Bog‘zor” mahallasida bo‘ldilar.

⏺Mas’ullar tashrif davomida “Barqaror hayot” NNT tomonidan mahallada aholi uchun tashkil etilgan bepul tibbiy xizmat ko‘rsatish faoliyati va yaratilgan sharoitlar bilan yaqindan tanishdilar.

💬“Barqaror hayot” NNT tomonidan tashkil etilgan ushbu xayriya tadbiri doirasida yuqori malakali shifokorlar jalb etilib, mahalla ahlini bepul tibbiy ko‘rikdan o‘tkazish, tashxis qo‘yish hamda zarur tavsiyalar berish ishlari tizimli yo‘lga qo‘yilgan.

🟢Manzilli ko‘riklar: Mahalladagi surunkali xastaligi bor bemorlar, keksalar, nogironligi bor shaxslar hamda ehtiyojmand oilalar vakillari bepul ko‘rikdan o‘tkazildi;

🟢Tibbiy maslahatlar: Fuqarolarga sog‘lom turmush tarziga rioya qilish, kasalliklarni barvaqt aniqlash hamda dori-darmonlarni to‘g‘ri qabul qilish yuzasidan shifokorlarning tavsiyalari berildi.

💼Uchrashuv davomida shahar Kengashi deputatlari hamda “Barqaror hayot” NNT rahbariyati o‘rtasida o‘zaro manfaatli muloqot o‘tkazilib, istiqbolli hamkorlik aloqalari o‘rnatildi.

🫥Mazkur hamkorlik doirasida kelgusida Termiz shahridagi boshqa ijtimoiy ahvoli og‘ir bo‘lgan mahallalarda ham birgalikda sayyor bepul tibbiy qabullarni tashkil etish, aholining tibbiy madaniyatini oshirish va muhtojlarga dori-darmon yetkazishda amaliy ko‘maklashish tizimi belgilab olindi.