“Transport to‘g‘risida”gi Qonun mazmun-mohiyati

O‘zbekiston Respublikasining 2021-yil 9-avgustdagi O‘RQ-706-son “Transport to‘g‘risida”gi Qonuni transport sohasidagi munosabatlarni huquqiy jihatdan tartibga solish, transport tizimini yanada rivojlantirish hamda yo‘lovchilar va yuk tashish xizmatlari sifatini oshirishga qaratilgan.

Mazkur Qonunga muvofiq, transport sohasida harakat xavfsizligini ta’minlash, transport infratuzilmasini rivojlantirish, ekologik talablarga rioya etish va xizmatlar sifatini oshirish ustuvor vazifalar etib belgilangan.

Shuningdek, Qonunda transport xizmatlaridan foydalanuvchilarning huquqlari va qonuniy manfaatlarini himoya qilish, tashuvchilarning huquq hamda majburiyatlari, transport vositalaridan xavfsiz foydalanish, yo‘lovchi va yuk tashish jarayonida qonunchilik talablariga rioya etish masalalari mustahkamlangan.

Qonunning asosiy maqsadi zamonaviy, xavfsiz va barqaror transport tizimini rivojlantirish, transport xizmatlari sifatini oshirish hamda sohada samarali davlat boshqaruvini ta’minlashdan iborat.

Qonun talablariga rioya etish transport sohasida xavfsizlikni ta’minlash, sifatli xizmatlar ko‘rsatish, shuningdek, yo‘lovchilar va tashuvchilarning huquq hamda qonuniy manfaatlarini ishonchli himoya qilishning muhim omili hisoblanadi.

Xalq deutatlari Navoiy shahar Kengashi deputati Tasheva Shaxnoza Azamatovna