📋 2027-YILGI DAVLAT DASTURLARI: ISTIQBOLLI LOYIHALAR KO‘ZDAN KECHIRILDI
Xalq deputatlari tuman Kengashi bosh mutaxassislari S.Bektemirov va J.Butayevlar tuman hokimligining mas’ul kotibi bilan birgalikda 2027-yilda amalga oshirilishi rejalashtirilgan davlat dasturlari loyihalari bilan atroflicha tanishdilar.
Uchrashuv davomida kelgusi yilda tuman infratuzilmasini yaxshilash, yangi ish oʻrinlarini yaratish hamda ijtimoiy soha obyektlarini qurish va ta’mirlash boʻyicha belgilangan rejalarning dastlabki loyihalari tahlil qilindi.
Mas’ullar tomonidan dasturlarga kiritilayotgan har bir loyihaning samaradorligi hamda aholining dolzarb ehtiyojlariga mos kelishi masalalariga alohida e’tibor qaratildi. Kelgusida ushbu dasturlarning sifatli ijrosini ta’minlash yuzasidan oʻzaro hamkorlik choralari belgilab olindi.