«Соҳил» маҳалласида аҳоли бандлиги ва ижтимоий қўллаб-қувватлаш масалалари муҳокама қилинди
Халқ депутатлари Янгиқўрғон тумани Кенгаши депутати, туман ҳокими Асадулла Нажмиддинов томонидан «Соҳил» маҳалласида маҳалла еттилиги иштирокида камбағалликни қисқартириш, аҳоли бандлигини таъминлаш ҳамда ижтимоий хизматлар манзиллилигини ошириш масалалари муҳокама қилинди.
🔎 Йиғилишда маҳалладаги ижтимоий-иқтисодий ҳолат, хатлов жараёнлари, ишсиз фуқароларни банд қилиш ва ижтимоий кўмакка муҳтож оилаларни қўллаб-қувватлаш бўйича амалга оширилаётган ишлар таҳлил қилинди.
Ҳар бир хонадоннинг шароитини чуқур ўрганиш, фуқароларнинг муаммоларини аниқлаш ҳамда уларни ҳал этишда индивидуал ёндашувни кучайтириш зарурлиги таъкидланди.
🤝 Аҳолини даромадли меҳнатга жалб этиш, маҳалладаги мавжуд имкониятлардан самарали фойдаланиш ва ижтимоий хизматларни эҳтиёжманд фуқароларга манзилли етказишга алоҳида эътибор қаратилди.
📌 Муҳокама якунида аниқланган муаммоларни ўз вақтида бартараф этиш, белгиланган вазифалар ижросини таъминлаш ҳамда аҳоли фаровонлигини ошириш бўйича ишларни жадаллаштириш юзасидан масъулларга тегишли топшириқлар берилди.