12-сонли мактабда куз-қиш мавсумига тайёргарлик ҳолати ўрганилди
Ҳафталик иш режаси ижроси доирасида Халқ депутатлари Янгиқўрғон тумани Кенгаши депутати Юлдашев Турсунпўлат Ҳакимбекович сайлов округида жойлашган 12-сонли умумтаълим мактабида бўлиб, куз-қиш мавсумига тайёргарлик жараёнларини ўрганди.
Ўрганиш давомида таълим муассасасида ўқувчилар ва педагоглар учун муносиб шароит яратиш, мавсум давомида таълим жараёнининг узлуксизлигини таъминлаш ҳамда тайёргарлик ишларини ўз вақтида якунлаш масалаларига эътибор қаратилди.
Хусусан, иситиш тизимининг ишлашга тайёрлиги, ёқилғи захираси, электр таъминоти, синфхоналарнинг ҳолати ва хавфсизлик чоралари билан боғлиқ масалалар мактаб масъуллари билан муҳокама қилинди. Мавсумда юзага келиши мумкин бўлган муаммоларни олдиндан аниқлаш ва бартараф этиш муҳимлиги таъкидланди.
Шунингдек, маҳаллий Кенгашлар фаолиятига оид 24 та тавсия доирасида таълим муассасаларидаги шароитларни ўрганиш, аҳолини ташвишлантираётган масалаларга эътибор қаратиш ва уларнинг ечими устидан депутатлик назоратини амалга ошириш вазифаларига урғу берилди.
Мактаб масъуллари билан мулоқотда куз-қиш мавсумига пухта тайёргарлик кўриш, ўқувчиларнинг қулай ва хавфсиз шароитда таълим олишини таъминлаш ҳамда мавжуд эҳтиёжларни тегишли ташкилотлар билан ҳамкорликда ҳал этиш масалалари кўриб чиқилди.