19¹-modda
🏗 Qurilish jarayoniga deputatlik nazorati

Xalq deputatlari Surxondaryo viloyati Kengashi kotibiyati mudiri Sherpo‘lat Boyqulov, hamda Xalq deputatlari Sherobod tuman Kengashi raisi Otabek Tursunov, tegishli mas’ullar hamda mahalla faollari ishtirokida “Katta hayot” mahallasida nazorat-tahlil tadbiri o‘tkazildi.

🔹 O‘rganish davomida mahalla hududida olib borilayotgan ko‘p qavatli uy qurilish ishlarining borishi, loyiha hujjatlariga muvofiqligi hamda qurilish jarayonining belgilangan talablar asosida tashkil etilishi ko‘zdan kechirildi.

🏗 Nazorat-tahlil jarayonida qurilish ishlarining sifati, foydalanilayotgan qurilish materiallari, mehnat va texnika xavfsizligi talablariga rioya etilishi, shuningdek, obyektni belgilangan muddatlarda foydalanishga topshirish masalalariga alohida e’tibor qaratildi.

🌿 Shuningdek, ko‘p qavatli uy atrofini obodonlashtirish, muhandislik-kommunikatsiya tarmoqlarini tartibga keltirish hamda kelgusida aholi uchun qulay sharoit yaratish bo‘yicha amalga oshirilishi lozim bo‘lgan ishlar muhokama qilindi.

📌 Tadbir yakunida aniqlangan masalalarni bartaraf etish, qurilish ishlarini sifatli tashkil etish va obyekt qurilishini belgilangan talablar asosida davom ettirish yuzasidan mas’ullarga tegishli vazifalar belgilab berildi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube