📚 Ustoz — millat kelajagini tarbiyalaydigan ulug‘ kasb egasi!
1-oktyabr — O‘qituvchi va murabbiylar kuni munosabati bilan Xalq deputatlari Pastdarg‘om tumani Kengashi safida pedagogik faoliyat olib borayotgan deputatlarimizga samimiy tabrik va ezgu tilaklar bildirildi.
🌿 Ustozlik — nafaqat bilim berish, balki yosh avlodga to‘g‘ri yo‘l ko‘rsatish, ularning qalbida Vatanga, el-yurtga va ezgu qadriyatlarga hurmat tuyg‘ularini shakllantirishdek sharafli va mas’uliyatli vazifadir.
🏛 Bugungi kunda deputatlik faoliyati bilan bir qatorda ta’lim sohasida fidokorona mehnat qilayotgan deputatlarimizning tajribasi, bilim va hayotiy qarashlari jamiyat rivojida muhim o‘rin tutadi.
💐 Hurmatli deputat-ustozlar!
Sizlarni kasb bayramingiz — 1-oktyabr, O‘qituvchi va murabbiylar kuni bilan chin qalbimizdan muborakbod etamiz!
Sizlarga mustahkam sog‘lik, oilaviy xotirjamlik, pedagogik faoliyatingizda ulkan muvaffaqiyatlar, shogirdlaringiz kamolini ko‘rish baxtini tilaymiz.
✨ Mashaqqatli va sharafli mehnatingiz doimo e’zozda bo‘lsin!