TADBIRKORLIK RIVOJI — DEPUTATLIK NAZORATIDA
Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan hududda tadbirkorlikni rivojlantirish, tadbirkorlik subyektlari uchun yaratilgan shart-sharoitlar hamda mavjud muammolarni aniqlashga qaratilgan deputatlik nazorati ishlari olib borilmoqda.
🔎 O‘rganishlar O‘zbekiston Respublikasi Vazirlar Mahkamasining 2020-yil 8-yanvardagi 8-son qarori talablari asosida tashkil etilib, tumanda tadbirkorlikning rivojlanganlik darajasini belgilovchi asosiy ko‘rsatkichlar tahlil qilinmoqda.
Jumladan:
▫️ yangi tashkil etilgan va faoliyat yuritmayotgan tadbirkorlik subyektlari holati;
▫️ davlat xizmatlari, litsenziya va ruxsatnomalar olishdagi mavjud muammolar;
▫️ tadbirkorlarning murojaatlari va ularning yechimi;
▫️ yangi ish o‘rinlari yaratish hamda xizmatlar sohasini rivojlantirish masalalariga alohida e’tibor qaratilmoqda.