ФУҚАРОНИНГ УЙ-ЖОЙ МАСАЛАСИДАГИ МУРОЖААТИ ЎРГАНИЛДИ
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна ҳамда «Мадад» ННТ раҳбари Тўхтасинов Музаффар иштирокида фуқаронинг уй-жой масаласидаги мурожаати ўрганилди.
Мулоқот давомида фуқаронинг мавжуд ҳолати, оилавий ва ижтимоий шароити ҳамда уй-жойга бўлган эҳтиёжи атрофлича муҳокама қилинди. Масаланинг қонуний ечимлари юзасидан ҳуқуқий тушунтириш ва тавсиялар берилди.
Мурожаатни тегишли ташкилотлар билан ҳамкорликда белгиланган тартибда ҳал этиш бўйича зарур чоралар белгилаб олинди ва унинг ижроси назоратга олинди.