КАМБАҒАЛЛИКНИ ҚИСҚАРТИРИШДА МАНЗИЛЛИ ЁНДАШУВ: ИМКОНИЯТЛАР ИШГА СОЛИНМОҚДА
Президентимиз томонидан белгилаб берилган вазифалар ижросини таъминлаш мақсадида Янгиқўрғон туманида аҳоли бандлигини ошириш, камбағалликни қисқартириш, тадбиркорликни ривожлантириш ва хонадонлар даромадини кўпайтириш бўйича хонадонбай ишлар изчил давом эттирилмоқда.
Бугун туман ҳокими, Халқ депутатлари Янгиқўрғон тумани Кенгаши депутати Асадулла Нажмиддинов ҳамда «Ўзсаноатқурилишбанк» АТБ Наманган филиали бошқарувчиси М. Ғайбуллаев бошчилигидаги ишчи гуруҳ томонидан ҳудудларда тадбиркорлар билан учрашувлар ва хонадонбай ўрганишлар ўтказилди.
Хусусан, «Зарбдор» маҳалласида тадбиркорлар билан очиқ мулоқот ташкил этилиб, уларнинг таклиф ва ташаббуслари тингланди, мавжуд муаммолари атрофлича муҳокама қилинди.
Ўрганишлар давомида:
🔹 «Намуна» маҳалласида И. Салоҳиддиновга тадбиркорлик фаолиятини йўлга қўйиш учун 15 миллион сўм имтиёзли кредит ажратиш;
🔹 «Дўстлик» маҳалласида З. Маматхоновга 100 миллион сўм кредит маблағи ажратиш;
🔹 «Заркент» маҳалласида С. Бойхоновнинг шлакоблок ишлаб чиқариш цехини ташкил этиш ташаббусини қўллаб-қувватлаш ҳамда бунинг учун ер участкасини аукцион савдосига чиқариш;
🔹 «Кўкёр» маҳалласида Б. Нўмонбоевга тадбиркорлик фаолиятини йўлга қўйиш учун 25 миллион сўм маблағ ажратиш масалалари белгилаб олинди.
Учрашувлар ва хонадонбай ўрганишлар давомида ҳар бир фуқаронинг тадбиркорлик ташаббусини қўллаб-қувватлаш, мавжуд имкониятларни ишга солиш, аҳоли бандлигини таъминлаш ҳамда оилалар учун барқарор даромад манбаларини яратишга устувор аҳамият қаратилди.
📌 Белгиланган вазифаларнинг амалий ижроси масъуллар томонидан назорат қилиб борилади.