ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна ҳамда 2-Намуна сайлов округидан сайланган туман Кенгаши депутати Абдуллаев Хуснимуҳаммад Нурмуҳаммедович сайлов округи ҳудудида жойлашган маданият марказида бўлдилар.
Ўрганиш жараёнида маданият марказининг бугунги кундаги фаолияти, моддий-техник базаси, бино ва хоналарнинг ҳолати, аҳолига маданий хизмат кўрсатиш учун яратилган шарт-шароитлар ҳамда ўтказилаётган маънавий-маърифий тадбирлар билан яқиндан танишилди.
Шунингдек, марказда ёшлар, хотин-қизлар ва аҳолининг турли қатламлари учун ташкил этилаётган маданий тадбирлар, тўгараклар ҳамда бўш вақтни мазмунли ташкил этишга қаратилган ишлар муҳокама қилинди.
Масъул ходимлар билан суҳбат давомида маданият маркази фаолиятида мавжуд муаммо ва камчиликлар, уларни бартараф этиш йўллари ҳамда келгусида амалга оширилиши лозим бўлган вазифалар белгилаб олинди.
Аниқланган масалаларни ҳал этиш, марказнинг моддий-техник имкониятларини яхшилаш, аҳоли учун сифатли маданий хизматларни кенгайтириш ва маданий-маърифий тадбирлар самарадорлигини ошириш юзасидан тегишли таклиф ва тавсиялар билдирилди.