Mahallada amalga oshirilayotgan ishlar va fuqarolar murojaatlari o‘rganildi

Xalq deputatlari tuman Kengashi deputati A.Ergashev o‘zi saylangan saylov okrugidagi “Yangikent” mahallasiga tashrif buyurib, mahallada hokim yordamchisi tomonidan aholi bandligini ta’minlash, tadbirkorlikni rivojlantirish hamda kambag‘allikni qisqartirish yo‘nalishlarida amalga oshirilayotgan ishlar bilan tanishdi.

Tashrif davomida mahallada olib borilayotgan ishlarning bugungi holati o‘rganilib, mavjud muammolar va ularning yechimi yuzasidan mas’ullar bilan fikr almashildi.

Shuningdek, deputat mahalla idorasiga murojaat bilan kelgan fuqarolarni qabul qilib, ularning murojaat va takliflarini tingladi. Bildirilgan masalalarni hal etish yuzasidan tegishli mutasaddilarga tavsiyalar berilib, ayrim murojaatlar nazoratga olindi.

Deputatlik nazorati tadbirlari doirasida hududdagi ijtimoiy-iqtisodiy holatni o‘rganish va aholi muammolarini bartaraf etishga qaratilgan ishlar davom ettiriladi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram