Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat M.Aynashova tomonidan tumanning “Pargors” mahallasiga biriktirilgan yoshlar yetakchisi B.Amantayevning yoshlar bandligini ta’minlash bo‘yicha faoliyati o‘rganildi.

🔻O‘rganish davomida yoshlarning bandlik holati, ularni ish bilan ta’minlash bo‘yicha amalga oshirilayotgan chora-tadbirlar, mehnat bozorida talab yuqori bo‘lgan kasblarni egallashga yo‘naltirish va tadbirkorlik faoliyatiga jalb etish masalalariga e’tibor qaratildi.

🔻Shuningdek, yoshlar bilan ishlash jarayonida ularning qiziqishlari, kasbiy ko‘nikmalari va mavjud imkoniyatlarini inobatga olgan holda, doimiy daromad manbaiga ega bo‘lishlariga ko‘maklashish muhimligi ta’kidlandi. Ishsiz yoshlarni aniqlash, ularning muammolarini o‘rganish hamda har bir yoshning imkoniyatidan kelib chiqib, bandligini ta’minlashga qaratilgan individual yondashuvni kuchaytirish zarurligi qayd etildi.

🔻Yoshlar bandligini ta’minlashda kasb-hunarga o‘qitish, bo‘sh ish o‘rinlari haqida ma’lumot berish, ish beruvchilar bilan hamkorlikni yo‘lga qo‘yish, shuningdek, tadbirkorlik va o‘zini o‘zi band qilish imkoniyatlaridan samarali foydalanish muhim ahamiyat kasb etadi.