Xalq deputatlari Chilonzor tumani Kengashi deputati, 5-Charx Kamolon saylov okrugi deputati Mahmudova Donoxon Artikovna tomonidan saylov okrugi hududida joylashgan 89-sonli maktabgacha ta’lim tashkilotining mavjud holati o‘rganilgan va ushbu o‘rganish davomida maktabgacha ta’lim tashkiloti hududidagi bolalar maydonchasi hamda tarbiyalanuvchilar dam olishi uchun mo‘ljallangan hududning holati ko‘zdan kechirildi.
O‘rganish natijasida mazkur hududlarda ta’mirlash va obodonlashtirish ishlarini amalga oshirish zarurligi aniqlandi.

➡️❗️https://t.me/chilonzor_tuman_deputatlari/3358?single

Xususan, bolalar maydonchasining mavjud holati, undan foydalanish uchun yaratilgan sharoitlar hamda dam olish hududining obodonlashtirilishi masalalariga alohida e’tibor qaratildi.

Ushbu hududlarni talab darajasiga keltirish tarbiyalanuvchilarning xavfsizligini ta’minlash, ularning ochiq havoda mazmunli vaqt o‘tkazishi va jismoniy faolligini oshirish uchun muhim ahamiyatga ega !❗️

Maktabgacha ta’lim tashkilotlarida bolalarning salomatligi, xavfsizligi va har tomonlama rivojlanishi uchun munosib sharoitlar yaratish muhim vazifalardan biridir. Shu bois aniqlangan kamchiliklarni bartaraf etish, bolalar maydonchasini ta’mirlash hamda dam olish hududini obodonlashtirish bo‘yicha tegishli choralar ko‘rilishi lozimligi qayd etildi.

Aniqlangan muammolarni bartaraf etish, zarur ta’mirlash va obodonlashtirish ishlarini tashkil etish hamda mazkur masalaning amaliy yechimini ta’minlash maqsadida deputat Mahmudova Donoxon Artikovna tomonidan tegishli mas’ul tashkilotlarga deputatlik so‘rovi yuborildi✍️🛫