DOIMIY KOMISSIYA YIG‘ILISHI: MAHALLALARDA XAVFSIZLIKNI TA’MINLASH MASALALARI KO‘RIB CHIQILDI

Xalq deputatlari Namangan shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishida shahardagi mahallalarda kriminogen vaziyatni yaxshilash, jinoyatchilikning oldini olish va jamoat xavfsizligini ta’minlash bo‘yicha amalga oshirilgan ishlar tahlil qilindi.

Taqdim etilgan hisobotga ko‘ra, Namangan shahridagi 59 ta mahallaning 12 tasida hisobot davrida jinoyat sodir etilmagan, 43 ta mahallada esa jinoyatlar sonining kamayishi kuzatilgan. 

Shu bilan birga, “Obi-hayot”, “Ravnaq”, “Dashtbog‘” va “Nurafshon” mahallalarida kriminogen vaziyatni yaxshilashga qaratilgan profilaktik ishlarni kuchaytirish zarurligi qayd etildi.

Yig‘ilishda mahallalarda huquqbuzarliklarning barvaqt oldini olish, “Mahalla yettiligi” bilan hamkorlikni kuchaytirish, xavf guruhidagi shaxslar bilan manzilli ishlash hamda fuqarolarning osoyishtaligini ta’minlash masalalariga e’tibor qaratildi.

Doimiy komissiya tomonidan deputatlik nazorati doirasida mahallalardagi mavjud vaziyatni muntazam o‘rganish, mas’ul tashkilotlar hamkorligini kuchaytirish va jinoyatchilik yuqori bo‘lgan hududlarda profilaktik tadbirlarning samaradorligini oshirish muhimligi ta’kidlandi.

Huquqiy asos: O‘zbekiston Respublikasining 2014-yil 14-maydagi O‘RQ-371-sonli “Huquqbuzarliklar profilaktikasi to‘g‘risida”gi Qonuni.