Xalq deputatlari Qo‘qon shahar Kengashi deputati, Qo‘qon shahar hokimi M.Usmonov hamda Xalq deputatlari Qo‘qon shahar Kengashi kotibiyati mudiri A.Nosirov ishtirokida Qo‘qon shahrida kambag‘allikni qisqartirish va aholi daromadlarini oshirish bo‘yicha shtabning navbatdagi yig‘ilishi bo‘lib o‘tdi.

Yig‘ilish davomida shaharda kambag‘allikni qisqartirish, aholi bandligini ta’minlash, fuqarolarning daromad manbalarini kengaytirish hamda oilalarning iqtisodiy barqarorligini mustahkamlash borasida amalga oshirilayotgan ishlar va oldinda turgan vazifalar muhokama qilindi.

Muloqot chog‘ida shahar hokimi M.Usmonov tomonidan mas’ul rahbarlarga aholini kambag‘allikdan chiqarish bo‘yicha manzilli ishlarni kuchaytirish, fuqarolarni kichik biznes va tadbirkorlik faoliyatiga yo‘naltirish hamda mahallalarda yangi biznes mikroloyihalarini rivojlantirish yuzasidan tegishli vazifalar belgilab berildi.

Shuningdek, har bir mahalladagi mavjud imkoniyatlardan samarali foydalanish, tadbirkorlik tashabbuslarini qo‘llab-quvvatlash, yangi daromad manbalarini yaratish va aholi bandligini oshirish masalalariga alohida e’tibor qaratildi.

️Yig‘ilishda har bir fuqaro bilan individual reja asosida ishlash, uning kasbiy ko‘nikmalari, qiziqishlari va imkoniyatlarini inobatga olgan holda bandligini ta’minlash hamda oilalarni kambag‘allikdan chiqarishga qaratilgan aniq chora-tadbirlarni amalga oshirish vazifalari belgilandi.

Xalq deputatlari Qo‘qon shahar Kengashi