📌 Yoshlar maslahat guruhi: sessiya masalalari muhokama qilindi
Xalq deputatlari Qo‘shko‘pir tumani Kengashi huzuridagi “Yoshlar maslahat guruhi” a’zolari Kengashning navbatdagi sessiyasi kun tartibiga kiritilishi rejalashtirilgan masalalarga oid hujjatlar bilan tanishdilar.
Muhokamalar davomida taqdim etilgan hujjatlar yuzasidan fikr-mulohazalar bildirilib, tegishli takliflar ilgari surildi. Yoshlarning taklif va tashabbuslarini inobatga olish, sessiyada ko‘rib chiqiladigan masalalarni puxta o‘rganish hamda qarorlar qabul qilish jarayonida yoshlar manfaatlarini aks ettirishga alohida e’tibor qaratildi.
Mazkur jarayon yoshlarning mahalliy boshqaruvdagi ishtirokini kengaytirish, ularning tashabbuslarini qo‘llab-quvvatlash va Kengash faoliyatida jamoatchilik fikrini inobatga olishga xizmat qiladi.