Xalq deputatlari Qo‘qon shahar Kengashiga 14-“Degrizlik” saylov okrugidan saylangan deputat O.Bozarov tomonidan “Bo‘ston” mahalla fuqarolar yig‘inida mahalla raisining faoliyati yuzasidan o‘rganish ishlari olib borildi.

O‘rganish davomida mahalla raisi tomonidan aholi bilan ishlash, fuqarolar murojaatlarini ko‘rib chiqish, mahalladagi mavjud muammolarni aniqlash va ularni hal etish borasida amalga oshirilayotgan ishlar bilan tanishildi.

Shuningdek, mahallaning ijtimoiy-iqtisodiy holati, hududni obodonlashtirish, aholi turmush sharoitini yaxshilash hamda mahalla faollari bilan hamkorlikni yo‘lga qo‘yish masalalariga e’tibor qaratildi.

O‘rganish jarayonida aholi murojaatlari bilan tizimli ishlash, mavjud muammolarni o‘z vaqtida aniqlash va ularni tegishli tashkilotlar bilan hamkorlikda hal etish, mahallada amalga oshirilayotgan ishlar samaradorligini oshirish yuzasidan fikr almashildi.

Mahalla raisi faoliyatini takomillashtirish, fuqarolar manfaatlarini ta’minlash hamda hududdagi dolzarb masalalarga amaliy yechim topish bo‘yicha o‘rganish ishlari davom ettiriladi.

Xalq deputatlari Qo‘qon shahar Kengashi