“DEPUTAT DAFTARI” — MUAMMOLAR YECHIMI USTIDAN DEPUTATLIK NAZORATINING MUHIM VOSITASI

Xalq deputatlari Olmazor tumani Kengashi raisi Shaxnoza Umarxodjayeva tomonidan “G‘alaba” mahalla fuqarolar yig‘inida fuqarolar bilan uchrashuv o‘tkazilib, ularning murojaatlari o‘rganildi.

📌 O‘rganish yakunlari bo‘yicha aniqlangan masalalar “Deputat daftari”ga manzilli ravishda qayd etildi. Mazkur masalalarni tegishli tashkilot va mas’ullar bilan hamkorlikda ko‘rib chiqish, ularning qonunchilikda belgilangan tartibda hal etilishini ta’minlash hamda har bir murojaatning ijrosini deputatlik nazorati asosida kuzatib borish belgilandi.

🔎 “Deputat daftari” — murojaatni qayd etish bilan cheklanib qolmay, muammoning mas’ul tashkilotga yo‘naltirilishi, ijro holatining o‘rganilishi va amaliy natijasi yuzasidan nazorat olib borishga xizmat qiladigan muhim mexanizmdir.

🤝 Deputat tomonidan murojaatlarning ijrosi yuzasidan mas’ullardan axborot olish, muammolarni joyida qayta o‘rganish va zarur hollarda tegishli tashkilotlarga deputatlik so‘rovlari kiritish orqali aholi muammolarining yechimiga ko‘maklashish va ijroni nazorat qilish davom ettiriladi.