Tadbirkorlik faoliyati o‘rganilib, tadbirkorlar bilan muloqot qilindi
Xalq deputatlari Buloqboshi tumani Kengashi Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya raisi M.Toshtemirov o'ziga biriktirilgan tashkilot vakillari bilan birgalikda tuman hududida tadbirkorlik faoliyati bilan shug‘ullanayotgan fuqarolarning ish jarayonlari o‘rganildi.
O‘rganish davomida tadbirkorlar bilan suhbat o‘tkazilib, faoliyat jarayonida foydalanilayotgan xomashyo sifati, ish samaradorligiga ta’sir ko‘rsatuvchi omillar hamda mavjud shart-sharoitlar yuzasidan fikr almashildi.
Muloqot davomida tadbirkorlar o‘z faoliyatlarini amalga oshirishda hozirgi vaqtda jiddiy muammolarga duch kelmayotganliklarini, ish jarayonlari yaxshi yo‘lga qo‘yilganini ta’kidladilar.
Bunday o‘rganishlar tadbirkorlik subyektlari faoliyatini qo‘llab-quvvatlash, ularning muammolarini o‘z vaqtida aniqlash hamda hududda ishbilarmonlik muhitini yanada yaxshilashga xizmat qiladi.
Xalq deputatlari Buloqboshi tumani Kengashi — tadbirkorlar manfaatlari va hududiy iqtisodiy rivojlanish yo‘lida!

| Web.sayt | Telegram | Facebook | Youtube| Instagram |