PREZIDENT VIRTUAL VA XALQ QABULXONALARIGA KELIB TUSHAYOTGAN MUROJAATLAR — DEPUTATLIK NAZORATIDA
📍 Xalq deputatlari Pastdarg‘om tumani Kengashi deputati D. Jabborova navbatdagi sessiya kun tartibiga kiritilgan masala yuzasidan Xonchorbog‘ mahallasida o‘rganish ishlarini olib bordi.
🔎 O‘rganishdan ko‘zlangan maqsad — joriy yilning 9 oyi davomida O‘zbekiston Respublikasi Prezidentining Virtual va Xalq qabulxonalariga kelib tushgan murojaatlarning mazmun-mohiyati, ularni ko‘rib chiqish holati hamda fuqarolar tomonidan ko‘tarilayotgan muammolarni joyida o‘rganishdan iborat.
🏘 Mahallada aholi murojaatlari, ularning yechimini kutayotgan masalalar va murojaatlar bilan ishlash jarayoniga e’tibor qaratildi. O‘rganish natijalari navbatdagi sessiyada Xalq qabulxonasi mudiri D. Mamatqulov tomonidan beriladigan axborotni muhokama qilishda muhim ahamiyat kasb etadi.
🎯 Maqsad — fuqarolar murojaatlarini chuqur tahlil qilish, mavjud muammolarni aniqlash va ularning qonuniy yechimi ustidan deputatlik nazoratini kuchaytirish.