O‘QUVCHILAR DAVOMATI VA TA’LIM INTIZOMI YUZASIDAN O‘RGANISH O‘TKAZILDI

📍 Xalq deputatlari Olmazor tumani Kengashi raisi Shaxnoza Umarxodjayeva boshchiligida hamda 28-«Chimboy» saylov okrugidan yangi saylangan deputat Ma’rufjon Mirzamaxmudov ishtirokida 224-sonli umumta’lim maktabida o‘quvchilarning dars mashg‘ulotlariga qatnashish davomati yuzasidan o‘rganish ishlari olib borildi.

🤝 O‘rganish jarayonida Milliy gvardiya xodimlari bilan suhbat o‘tkazilib, o‘quvchilarning darslarga muntazam qatnashishini ta’minlash, sababsiz dars qoldirish holatlarining oldini olish hamda ta’lim muassasasi va mas’ul tashkilotlar hamkorligini kuchaytirish masalalari muhokama qilindi.

📌 Shuningdek, voyaga yetmaganlarning ta’lim-tarbiyasiga mas’uliyat bilan yondashish, ularning huquq va manfaatlarini himoya qilish hamda maktab, ota-onalar va tegishli tashkilotlar o‘rtasidagi hamkorlikni mustahkamlash muhimligi ta’kidlandi.

💡 Mazkur o‘rganishlar deputatlik nazorati doirasida ta’lim sifati va intizomini mustahkamlash, o‘quvchilar uchun xavfsiz hamda samarali ta’lim muhitini yaratishga qaratilgan.

👇 Bizni ijtimoiy tarmoqlarda kuzatib boring!