📍 Chilonzor tumanida tadbirkorlikni rivojlantirish va biznes sirlarini o‘rgatishga qaratilgan amaliy mashg‘ulotlar tashkil etilmoqda.
Germaniyaning jahonga mashhur HUGO BOSS kompaniyasi vakillari o‘z tajribalari bilan o‘rtoqlashib, biznes boshlashni rejalashtirayotgan hamda o‘z faoliyatini endigina yo‘lga qo‘ygan tadbirkorlarga amaliy bilim va ko‘nikmalarni o‘rgatmoqda.
Mashg‘ulotlar davomida biznes yuritish, samarali boshqaruv, tadbirkorlik faoliyatini rivojlantirish va xalqaro tajribadan foydalanish kabi muhim yo‘nalishlarga e’tibor qaratilmoqda.
🤝 Xalq deputatlari Chilonzor tumani Kengashi deputati Tashmuhammedova Muhabbat Baxtiyorovna ham ushbu tashabbusni amalga oshirish va tadbirkorlarni qo‘llab-quvvatlashga o‘z hissasini qo‘shmoqda.
🎯 Tashabbusdan ko‘zlangan maqsad — yangi biznes boshlayotgan fuqarolarga tajribali mutaxassislarning bilimlarini yetkazish, ularning tadbirkorlik salohiyatini oshirish hamda kelgusida o‘z bizneslarini muvaffaqiyatli rivojlantirishlariga ko‘maklashish.
Tajriba almashinuvi — yangi g‘oyalar, yangi imkoniyatlar va barqaror biznes sari muhim qadam!