Tuman Kengashi deputatlari tomonidan Osiyo taraqqiyot banki (OTB) ishtirokidagi loyiha doirasida amalga oshirilgan ishlarni o‘rganish davomida "Yangi Bo‘zsuv" ("Achchisoy") MFY hududida joylashgan URV-"Achchisoy" suv saqlash va taqsimlash inshootida olib borilgan qurilish va rekonstruksiya ishlari holati ham ko‘rib chiqildi.

✅Deputatlar tomonidan loyiha doirasida bajarilgan ishlar yuzasidan mas’ul mutasaddilarning ma’lumotlari tinglanib, aniqlangan masalalarni bartaraf etish, inshoot faoliyatining samaradorligini oshirish va amalga oshirilgan ishlarning sifatini ta’minlash bo‘yicha tegishli taklif hamda tavsiyalar bildirildi.

✅Mazkur o‘rganishdan ko‘zlangan asosiy maqsad — OTB ishtirokidagi loyiha doirasida ajratilgan mablag‘larning maqsadli sarflanishi, qurilish va rekonstruksiya ishlarining belgilangan talablar asosida bajarilishi hamda yaratilgan infratuzilmaning aholi manfaatlariga xizmat qilishini ta’minlashdan iborat.