Xalq deputatlari Yangiobod tuman Kengashi deputati J.Yoqubov tomonidan Sarmich mahallasida tuman gaz ta’minoti xodimlari tomonidan aholiga suyultirilgan gaz yetkazib berish holati o‘rganildi.

O‘rganish davomida suyultirilgan gaz ballonlarining aholi xonadonlariga yetkazib berilishi, ta’minotning tashkil etilishi, aholining ehtiyojlari hamda mavjud masalalar yuzasidan holat joyida ko‘zdan kechirildi.

Shuningdek, mahalla aholisi bilan suhbatlashilib, suyultirilgan gaz ta’minoti bilan bog‘liq murojaat va takliflar tinglandi. Aholini belgilangan me’yorlar asosida suyultirilgan gaz bilan o‘z vaqtida ta’minlash, yetkazib berishda uzilishlarga yo‘l qo‘ymaslik hamda mavjud muammolarni tezkor bartaraf etish masalalari tuman gaz ta’minoti xodimlari bilan muhokama qilindi.

Aniqlangan masalalar yuzasidan mas’ullarga tegishli vazifalar belgilab berildi. Aholining suyultirilgan gazga bo‘lgan ehtiyojini o‘z vaqtida qondirish va ta’minot jarayonining shaffofligini ta’minlash bo‘yicha ishlarni kuchaytirish zarurligi qayd etildi.