Xalq deputatlari tuman Kengashi deputati A.Isroilov tomonidan Havotog‘ QFY yoshlar yetakchisining faoliyati joyiga chiqib ko‘rib chiqildi.
Jarayon davomida hududdagi yoshlar bilan ishlash holati, ularning murojaatlari va muammolarini o‘rganish, yoshlarni bandlikka yo‘naltirish, kasb-hunarga jalb etish hamda bo‘sh vaqtlarini mazmunli tashkil etish borasidagi ishlar muhokama qilindi.

Shuningdek, yoshlarni sport, madaniy-ma’rifiy va boshqa foydali mashg‘ulotlarga keng jalb etish, iqtidorli va tashabbuskor yoshlarni qo‘llab-quvvatlash, ehtiyojmand yoshlar bilan manzilli ishlash masalalariga alohida e’tibor qaratildi.

Deputat tomonidan yoshlar bilan ishlashda har bir murojaatni e’tibordan chetda qoldirmaslik, aniqlangan masalalarni tegishli tashkilotlar bilan hamkorlikda hal etish hamda yoshlarning taklif va tashabbuslariga amaliy ko‘mak berish yuzasidan fikrlar bildirildi.