Yangi o‘quv yili yaqinlashgani sari ta’lim muassasalarining tayyorgarlik holati va o‘quvchilar uchun yaratilgan sharoitlar doimiy e’tibor markazida bo‘lmoqda.

Xususan, Olmaliq shahar "Chambil" mahalla hududida joylashgan 24-sonli umumta’lim maktabining yangi 2026-2027 o‘quv yiliga hamda kuz-qish mavsumiga tayyorgarlik jarayoni shahar hokimligi Kotibiyat mudiri Sevar Qodirova tomonidan kunlik reja asosida atroficha o‘rganildi.
O‘rganish jarayonida nimalarga e’tibor qaratildi?
Maktab direktori hamrohligida muassasadagi barcha infratuzilma va sharoitlar ko‘zdan kechirildi:
O‘quv xonalari va sharoitlar: Sinfxona hamda mashg‘ulot xonalarining o‘quvchilar uchun qulayligi va tayyorgarligi;
Moddiy-texnik baza: Zamonaviy o‘quv qurollari, texnik vositalar hamda darsliklar bilan ta’minlanganlik darajasi;
Kuz-qish mavsumiga tayyorgarlik: Isitish tizimining sozligi, issiqlik manbalarining holati hamda qishki mavsumni talab darajasida o‘tkazish bo‘yicha amalga oshirilgan ishlar.

Monitoring yakunida o‘quvchilarning sifatli ta’lim olishi hamda muassasada xavfsiz va issiq muhitni ta’minlash bo‘yicha mas’ullarga tegishli tavsiya va ko‘rsatmalar berildi. Aniqlangan kamchiliklar deputatning ko'chama-ko'cha aylanish jurnaliga qayd qilinib, ijro nazoratiga olindi.

Farzandlarimizning munosib sharoitlarda ta’lim olishi — bosh maqsadimizdir!