656-SON QAROR IJROSI: MAS’UL TASHKILOTLARDAN ANIQ MA’LUMOTLAR SO‘RALDI
Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2021-yil 25-oktabrdagi 656-sonli qarori ijrosini o‘rganish ishlari davom ettirilmoqda.
🔎 Shu maqsadda doimiy komissiya tomonidan Pastdarg‘om tumani hokimi o‘rinbosari S.Xamrayevga 2026-yil 25-avgustdagi 32-kx-487-26-son rasmiy xat yuborildi.
Rasmiy xat orqali tumanda yetim bolalar va ota-ona qaramog‘idan mahrum bo‘lgan bolalarni ijtimoiy qo‘llab-quvvatlash bo‘yicha aniq raqamlar va tahliliy ma’lumotlar so‘raldi.
Jumladan:
▫️ tumandagi yetim va ota-ona qaramog‘idan mahrum bo‘lgan bolalarning umumiy soni, yosh va ijtimoiy toifalari;
▫️ ularni uy-joy bilan ta’minlash va uy-joy sharoitlarini yaxshilash bo‘yicha amalga oshirilgan ishlar;
▫️ ta’lim, kasb-hunar, bandlik va mustaqil hayotga tayyorlash bo‘yicha natijalar;
▫️ oilaviy muhitga yaqin sharoitlarda tarbiyalash, oilaga joylashtirish, vasiylik, homiylik va farzandlikka olish bo‘yicha ishlar;
▫️ moddiy, tibbiy, psixologik, huquqiy va ijtimoiy qo‘llab-quvvatlash holati;
▫️ 656-son qaror ijrosi bo‘yicha mas’ul tashkilotlarning amalga oshirgan ishlari va erishilgan natijalari;
▫️ hokimlik, mahalla, ta’lim, sog‘liqni saqlash, bandlik va boshqa tashkilotlar o‘rtasidagi hamkorlik holati;
▫️ 2025–2026-yillarda amalga oshirilgan ishlar, ajratilgan mablag‘lar va ularning maqsadli sarflanishi haqida ma’lumotlar so‘raldi.
📊 Shuningdek, mavjud muammolar, ularni bartaraf etish bo‘yicha ko‘rilayotgan choralar hamda kelgusidagi rejalar yuzasidan tahliliy va asoslantirilgan ma’lumot taqdim etish so‘raldi.
📅 Tegishli ma’lumotlarni 2026-yil 10-sentyabrga qadar taqdim etish belgilandi.
🎯 Maqsad — 656-son qaror ijrosini raqamlar, natijalar va amaliy holat asosida baholash hamda mavjud muammolarni manzilli bartaraf etish.
Yetim bolalar va ota-ona qaramog‘idan mahrum bo‘lgan bolalarning huquq va manfaatlari — doimiy komissiya nazoratida!