Xalq deputatlari Andijon shahar Kengashi deputatlari Avazbek Appaqov va Gulnoraxon Ismoilova Andijon shahridagi 31-umumta’lim maktabida bo‘lib, yangi o‘quv yiliga tayyorgarlik jarayonlarini o‘rgandilar.

Tashrif davomida maktab hududidagi sport maydonchasi va undagi shart-sharoitlar ko‘zdan kechirildi. O‘quvchilarning jismoniy tarbiya va sport mashg‘ulotlarini sifatli tashkil etishi uchun yaratilgan imkoniyatlar, maydonchaning holati hamda xavfsizlik talablariga rioya etilishi o‘rganildi.

Shuningdek, maktab mas’ullari bilan suhbatlashilib, sport maydonchasidan samarali foydalanish, mavjud kamchiliklarni bartaraf etish hamda o‘quvchilar uchun qulay va xavfsiz sharoit yaratish yuzasidan fikr almashildi.

Aniqlangan masalalar bo‘yicha tegishli vazifalar belgilanib, ularning ijrosi deputatlik nazorati asosida o‘rganib borilishi qayd etildi.