#deputat va biriktirilgan tashkilot bilan ish olib bormoqda

Biriktirilgan tashkiloti bilan deputat birgalikda, hamkorlikda ish olib bormoqda
DEPUTATLAR TOMONIDAN O'RTA CHIRCHIQ TUMANIDA DINIY-MA’RIFIY YO‘NALISHDAGI ISHLAR O‘RGANILDI

🔰Xalq deputatlari O‘rta Chirchiq tumani Kengashi deputatlari Sh.Radjapov va N.Nasrullayev tomonidan o‘zlariga biriktirilgan tashkilot — O‘rta Chirchiq tumani Din ishlari bo‘yicha bosh mutaxassisi Sh.Fayzullayev faoliyati yuzasidan o‘rganish olib borildi.

🔰O‘rganish davomida deputatlar Sh.Fayzullayev bilan suhbatlashib, tumanda diniy-ma’rifiy yo‘nalishda amalga oshirilayotgan ishlar, aholining diniy savodxonligini oshirish hamda fuqarolar o‘rtasida bag‘rikenglik va o‘zaro hurmat muhitini mustahkamlash borasida olib borilayotgan ishlar tahlil qilindi.

🔰Suhbat jarayonida hududlarda fuqarolar bilan olib borilayotgan targ‘ibot-tushuntirish ishlari, diniy masalalar yuzasidan murojaatlar bilan ishlash, yoshlar va xotin-qizlar bilan ma’naviy-ma’rifiy tadbirlarni tashkil etish masalalariga ham alohida e’tibor qaratildi.

✅Xalq deputatlari O‘rta Chirchiq tuman Kengashi kotibiyati axborot xizmati!