Toqchi MFYda aholi murojaatlari o‘rganildi

✔️ Xalq deputatlari tuman kengashi raisi B.K.Xaitov, tuman Kengashi deputatlari birgalikda Kengash kotibiyati xodimi Z.O‘zbekovaga biriktirilgan 3-Toqchi saylov okrugi Toqchi mahalla fuqarolar yig‘inida istiqomat qiluvchi fuqarolarning murojaatlari o‘rganildi.

✔️ Muloqot davomida aholini qiynayotgan ichimlik suvi, elektr ta’minoti, ichki yo‘llar, bandlik, ijtimoiy yordam hamda boshqa dolzarb masalalar yuzasidan murojaatlar tinglandi. Har bir murojaat joyida o‘rganilib, ularni hal etish bo‘yicha tegishli tashkilotlar mas’ullari ishtirokida amaliy choralar belgilandi.

✅ Shuningdek, ayrim masalalar bo‘yicha mas’ul idoralarga deputatlik so‘rovi yuborish hamda ijrosini nazoratga olish yuzasidan kelishib olindi.

✅ Fuqarolar bilan ochiq muloqot o‘tkazish, ularning muammo va takliflarini eshitish hamda amaliy yechim topishga ko‘maklashish deputatlik faoliyatining ustuvor yo‘nalishlaridan biri hisoblanadi.

✍️ Ma’lumot uchun: Toqchi MFYda bugungi kunda 4325 nafar fuqaro 635 ta xonadonlarda istiqomat qilib kelmoqda.