Xalıq deputatları Bozataw rayonlıq Keńesi deputatları A.Ibragimov hám SH.Berdaxov saylawshılar menen ótkerilgen ushırasıwda 2026-jıldıń ekinshi sheregi dawamında alıp barılǵan jumısları boyınsha esabat berdi. Ushırasıwǵa “Palwash ataw”, “Andijan” saylaw okrugindegi saylawshıları hám Bozataw rayon hákiminiń birinshi orınbasarı R.Berdimuratov qatnastı.
Ushırasıw dawamında deputatlar 2026-jıldıń ekinshi sheregi dawamında ámelge asırılǵan deputatlıq jumısı boyınsha málimleme berdi.
Ushırasıwda “Palwash ataw” okruginde A.Dosnazarov kóshe boyında 0,3 km bólegin pıyadalar jolın tazadan salıw hám túngi jaqtılandırıwlar qurıw belgilengen bolıp búgingi kúnde bul jumısları jumaqlanıw aldında turǵanlıǵı hámde Baslamalı byudjettiń 2026-jılǵı 1-máwsimi juwmaqları boyınsha jeńilpaz dep tabılǵan joybarlardan biri – Bozataw PPJ aymaǵındaǵı Qurılısshı (0,33 km), T.Kayıpbergenov (0,3 km), Erkin (0,4 km), Berdaq gúzarı (0,58 km), N.Japakov (0,62 km), koshelerin jámi 1632m asfaltlaw baslanıw aldında túr ekenin aytıp ótti.
Sonday-aq “Andijan” saylaw okruginde PQ-49-sanlı qararı tiykarında 95V038 "Kazanketken awılı – Kókshiel elatı" avtomobil jolınıń (16,7 km den 35 km ge shekem) 18,3 km bólegin asfaltlaw hám túngi jaqtılandırıwlar qurıw belgilengen bolıp búgingi kúnde bul jumislar baslap jiberildi.
Atap aytqanda, saylawshılar menen turaqlı ashıq pikirlesiwler alıp barılǵanı, puqaralardıń múrájatları úyrenilip, olardı sheshiw boyınsha tiyisli shólkemler menen birge islesiw jolǵa qoyılǵanı, zárúr jaǵdaylarda juwapker uyımlarǵa deputatlıq sorawlar jiberilip, olardıń orınlanıwı deputatlıq qadaǵalawǵa alınǵanı atap ótildi.
Sonday-aq, deputat ekinshi sherek dawamında Xalıq deputatları Bozataw rayonlıq Keńesiniń sessiyaları hám tiyisli turaqlı komissiyalardıń jumısında belsene qatnasqanın atap ótti. Sessiyalarda aymaqlardı kompleksli rawajlandırıw, jergilikli byudjet qarjılarınan nátiyjeli paydalanıw, kommunallıq infrastrukturanı jetilistiriw, densawlıqtı saqlaw, jaslardıń bántligin támiyinlew, jınayachılıqtıń aldın alıw hám basqa da áhmietli máseleler boyınsha juwapker basshılardıń esabat hám málimlemeleri kórip shıǵılıp, tiyisli qararlar qabıl etilgeni atap ótildi.
Málimleme dawamında saylaw okruginde ámelge asırılǵan úyreniwler nátiyjesinde máhálledegi jaslardıń bántligin támiyinlew, xalıqqa sapalı medicinalıq xızmet kórsetiw, sociallıq qorǵawǵa mútáj shańaraqlardı qollap-quwatlaw, ishki kóshelerdiń jaǵdayı, túngi jaqtılandırıw sisteması, jol háreketi qáwipsizligi, park hám qıyabanlardı abadanlastırıw hám basqa da sociallıq infrastruktura obektleriniń jaǵdayı boyınsha monitoringler alıp barılǵanı, anıqlanǵan mashqalalar boyınsha juwapker shólkemler menen birgelikte ámeliy ilajlar kórilip atırǵanı haqqında maǵlıwmat berildi.
Ashıqtan-ashıq sóylesiw dawamında puqaralar tárepinen sociallıq qorǵawǵa mútáj shańaraqlardı qollap-quwatlaw, aymaqtı jáne de abadanlastırıw hám basqa da kommunallıq hám sociallıq máseleler boyınsha pikir-usınıslar bildirildi. Hár bir múrájat boyınsha juwapker shólkemlerdiń qatnasıwında dodalawlar ótkerilip, olardı basqıshpa-basqısh sheshiw boyınsha tiyisli wazıypalar belgilendi.