Oliy Majlis Qonunchilik palatasi deputati S.Jumayeva, Xalq deputatlari Qo‘qon shahar Kengashi kotibiyati mudiri A.Nosirov, shahar Kengashi deputati M.Mavlonqulov hamda Madaniy meros agentligining mas’ul xodimi U.Abduqodirov tomonidan muzeylar faoliyati yuzasidan ijtimoiy tarmoqlarda murojaat bilan chiqqan fuqaro B.Po‘latov bilan uchrashuv o‘tkazildi.

Suhbat davomida murojaatda ko‘tarilgan masalalar atroflicha muhokama qilinib, muzeylar faoliyati, eksponatlarni saqlash va madaniy meros obyektlarini asrash borasida amalga oshirilayotgan ishlar yuzasidan batafsil ma’lumot berildi.

Shuningdek, muzey ma’muriyati tomonidan olib borilayotgan islohotlar, tashrif buyuruvchilar uchun yaratilayotgan sharoitlar hamda kelgusidagi rejalar haqida tushuntirishlar berildi.

Muloqot yakunida fuqaro B.Po‘latov o‘zini qiziqtirgan savollarga to‘liq javob olganini, mazkur masala yuzasidan e’tirozlari mavjud emasligini ma’lum qildi hamda murojaatiga o‘z vaqtida e’tibor qaratilib, amaliy tushuntirish berilgani uchun minnatdorlik bildirdi.

Xalq deputatlari Qo‘qon shahar Kengashi