Xalq deputatlari Andijon shahar Kengashi deputatlari tomonidan joylarda aholi murojaatlarini o‘rganish, ularning dolzarb muammolariga yechim topish bo‘yicha tizimli ishlar davom etmoqda.

Jumladan, Andijon shahar hokimining “Farobiy” MFYda o‘tkazilgan fuqarolar qabulida kelib tushgan murojaat asosida “Gumbaz” MFY Konstitutsiya ko‘chasi 41-uyda yashovchi fuqaro Shoxsanam Xusanovaning xonadonida yuz bergan yong‘in holati o‘rganildi.

Ma’lum bo‘lishicha, 2026-yil 3-fevral kuni sodir bo‘lgan baxtsiz hodisa natijasida xonadon jiddiy zarar ko‘rgan. Ushbu holat mutasaddi tashkilotlar tomonidan tasdiqlangan va deputat tomonidan joyiga chiqib o‘rganilgan.

Mazkur vaziyat yuzasidan Andijon shahar “Inson” ijtimoiy xizmatlari markaziga deputat so‘rovi kiritilib, fuqaroning yashash sharoitini yaxshilash hamda yong‘indan zarar ko‘rgan uy-joy qismlarini ta’mirlash bo‘yicha amaliy yordam ko‘rsatish choralarini ko‘rish so‘raldi.

Shuningdek, amalga oshirilgan ishlar yuzasidan belgilangan tartibda 10 kun muddatda ma’lumot taqdim etilishi nazoratga olindi.

Eslatib o‘tamiz, deputat so‘rovlarini o‘z vaqtida ko‘rib chiqmaslik yoki noto‘g‘ri ma’lumot taqdim etish amaldagi qonunchilikka muvofiq javobgarlikka sabab bo‘ladi.

Fuqarolar manfaatini himoya qilish va ularning muammolariga yechim topish — asosiy vazifamiz!