BAHORISTON MAHALLASIDAGI SUV MUAMMOSI DEPUTAT NAZORATIDA

Xalq deputatlari Uzun tumani Kengashi deputati Abdusamad Kayumovich Bakiyev tomonidan hududdagi dolzarb ijtimoiy muammolarni hal etish borasida navbatdagi deputatlik soʻrovi yuborildi.

3-shodlik saylov okrugi hududiga kiruvchi “Bahoriston” MFY aholisi bilan oʻtkazilgan uchrashuvda fuqarolar tomonidan jiddiy murojaat kelib tushgan.

Mahalladagi aholi xonadonlarining tomorqa yerlarini sugʻorishga xizmat qiluvchi asosiy ariq (kanal) uzoq vaqt davomida tozalanmaganligi sababli loyqa va chiqindilar bilan toʻlib qolgan.

Mazkur holatni tezkor bartaraf etish maqsadida, “Xalq deputatlari viloyat, tuman va shahar Kengashi deputatining maqomi toʻgʻrisida”gi Qonunga muvofiq, Uzun tumani Suv etkazib berish xizmati DM rahbari v.v.b B.Roʻziyevaga rasmiy DEPUTAT SOʻROVI yuborildi.