🇺🇿 Xalq deputatlari Uchtepa tumani Kengashi kotibiyati tomonidan tumandagi “Beshqayrag‘och”, “Zulfizar”, “Nishabariq‘”, “Degrez”, “Bog‘ichinor” hamda “Taqachi” mahallalarida O‘zbekiston Respublikasi Prezidentining 2023-yil 21-dekabrdagi PQ-402-sonli “O‘zbekiston mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlar to‘g‘risida”gi qarori ijrosi yuzasidan o‘rganish ishlari olib borildi.

📊 O‘rganish davomida mahallalarda soliq tushumlarining 10 foizi hisobidan shakllantirilgan mablag‘larning maqsadli sarflanish holati atroflicha tahlil qilindi. Jumladan, mahallalar hisob raqamlarida mavjud mablag‘larni o‘z vaqtida va samarali yo‘naltirish bo‘yicha tushuntirish ishlari amalga oshirildi.

🔼 Shuningdek, barcha masalalar tanqidiy nuqtai nazardan ko‘rib chiqilib, aniqlangan kamchiliklarni bartaraf etish yuzasidan mutasaddi rahbarlarga tegishli topshiriqlar berildi. Mazkur qarorga muvofiq, ushbu mablag‘lar mahalla hududlaridagi ichki yo‘llar va piyodalar yo‘laklarini ta’mirlash, yoritish tizimini yaxshilash, elektr energiyasi hamda tabiiy gaz tarmoqlarini modernizatsiya qilish, ichimlik va oqova suv tizimlarini yaxshilash kabi infratuzilma loyihalariga yo‘naltirilmoqda.

📁 Bundan tashqari, mahalla fuqarolar yig‘ini binolari, sport maydonchalari, nuroniylar choyxonalari, yoshlar markazlari, bolalar maydonchalari hamda ko‘chma madaniyat markazlarini tashkil etish bo‘yicha ham amaliy ishlar olib borilmoqda. Mazkur yo‘nalishdagi ishlar mahalliy tashkilotlar tomonidan izchil davom ettirilmoqda.

Slide 1 of 9