Aholi murojaatlari e’tiborda: deputat Orol MFYda uchrashuv o‘tkazdi

Xalq deputatlari Termiz tuman Kengashi deputati N. Ruziyeva tomonidan Orol MFY hududida aholi bilan ochiq va samimiy uchrashuv o‘tkazildi. Mazkur muloqot davomida fuqarolarning kundalik hayotida uchrayotgan muammolar, ijtimoiy infratuzilmani yaxshilash, bandlikni ta’minlash hamda kommunal xizmatlar sifatini oshirish masalalari muhokama qilindi.

Uchrashuvda aholi tomonidan yo‘llar holati, ichimlik suvi ta’minoti, elektr energiyasi, ijtimoiy yordam va boshqa dolzarb masalalar yuzasidan murojaatlar bildirildi. Deputat N. Ruziyeva har bir murojaatni atroflicha tinglab, ularni qonunchilik doirasida hal etish yuzasidan tegishli tashkilotlar bilan hamkorlikda aniq choralar ko‘rilishini ta’kidladi.

Shuningdek, uchrashuv davomida hududni yanada rivojlantirish, aholining turmush farovonligini oshirishga qaratilgan takliflar muhokama qilinib, kelgusidagi ustuvor vazifalar belgilab olindi. Bunday ochiq muloqotlar aholining ishonchini mustahkamlash hamda muammolarni joyida hal etishda muhim ahamiyat kasb etishi qayd etildi.