Qishloq xo‘jaligi yerlaridan samarali foydalanish masalasi muhokama qilindi

Xalq deputatlari tuman Kengashining navbatdagi 33-sessiyasida tumanda qishloq xo‘jaligi yerlaridan oqilona va samarali foydalanish, shuningdek, sohada amalga oshirilayotgan ishlar yuzasidan masala ko‘rib chiqildi.

Sessiyada tuman hokimining qishloq va suv xo‘jaligi masalalari bo‘yicha o‘rinbosari – tuman qishloq xo‘jaligi bo‘limi boshlig‘i Xamid Ruzmet o‘g‘li Matchonovning mazkur yo‘nalishdagi amalga oshirilgan ishlar hamda kelgusidagi vazifalar yuzasidan hisoboti tinglandi.

Deputatlar tomonidan sohada mavjud masalalar, yer resurslaridan samarali foydalanish va qishloq xo‘jaligi ishlab chiqarish samaradorligini oshirish bo‘yicha fikr-mulohazalar bildirildi.