Xalq deputatlari Furqat tumani Kengashi deputati S. Tillaboev tomonidan o‘z saylov okrugiga qarashli 8-Navbahor saylov okrugi hududidagi “Navbahor” mahalla fuqarolari yig‘inida joylashgan “Mastona bo‘stoni” MChJ faoliyati manzilli o‘rganildi.

Temir yo‘lchi-9 ko‘chasida faoliyat yuritayotgan mazkur korxonaning ishga tushirilishi hudud aholisi uchun yangi imkoniyatlar yaratib, 120 nafar fuqaroning bandligini ta’minlashga xizmat qilmoqda.

O‘rganish davomida korxonada yaratilgan sharoitlar, ishlab chiqarish jarayoni, ish o‘rinlarining holati hamda loyiha doirasida belgilangan vazifalarning amaldagi ijrosi ko‘zdan kechirildi.

Shuningdek, O‘zbekiston Respublikasi Prezidentining 2024-yil 16-dekabrdagi “Farg‘ona viloyatini ijtimoiy-iqtisodiy rivojlantirish hamda investitsiya va tadbirkorlik muhitini yanada yaxshilash chora-tadbirlari to‘g‘risida”gi PQ-440-son qarori asosida hududda amalga oshirilishi belgilangan loyihalarning natijadorligi yuzasidan tahliliy o‘rganish olib borildi.

Deputat tomonidan korxonaning mavjud imkoniyatlaridan samarali foydalanish, ishlab chiqarish hajmini oshirish, kelgusida qo‘shimcha ish o‘rinlari yaratish hamda aholi bandligini yanada ta’minlash masalalariga alohida e’tibor qaratildi.