Avval xabar berganimizdek, Xalq deputatlari Zarbdor tuman Kengashi raisi, deputat Anvar Aralov tomonidan o'z saylov okrugidagi “Doʻstlik” mahallasi, 25-sonli koʻp qavatli uy aholisining oqova suv tizimi bilan bogʻliq muammolar yuzasidan yoʻllagan murojaati asosida masʼul tashkilotlarga deputatlik soʻrovi yuborilgan edi.
Ushbu soʻrov yuzasidan “Kuxinur Siti-SSS” MChJ Boshqaruv servis kompaniyasi tomonidan zudlik bilan oʻrganish va amaliy ishlar olib borildi.
Oʻrganishlar davomida aniqlangan kamchiliklarni bartaraf etish maqsadida:
25-sonli koʻp qavatli uy hududidagi oqova suv tarmogʻi texnik koʻrikdan oʻtkazildi;
Uy hududidan markaziy kolodetsgacha boʻlgan nosoz oqova suv quvurlari butunlay yangilandi;
Tarmoqda yigʻilib qolgan chiqindilar va tiqinlar maxsus texnikalar yordamida toʻliq tozalandi;
Oqova suv tizimining ishlash holati qayta sinovdan oʻtkazilib, sanitariya va texnik talablarga muvofiq profilaktika ishlari bajarildi.
Amalga oshirilgan samarali ishlar natijasida tizimdagi nosozliklar bartaraf etilib, oqova suv tarmogʻining uzluksiz va meʼyoriy holatda ishlashi taʼminlandi. Aholini qiynayotgan ushbu muammo ijobiy hal etildi.