✅ O‘zbekiston Respublikasi Oliy Majlisi Qonunchilik palatasi deputati D.Xusanov hamda xalq deputatlari Nurobod tumani Kengashi kotibiyati mudiri B.Oblanov va tuman Kengashi deputati S.Suyarovlar tumanning “Nurbuloq” va “Yuksalish” mahallalarida bo‘lishdi.

✅“Mahalla yettiligi” bilan bo‘lib o‘tgan uchrashuvda yangi ish o‘rinlari yaratish va aholi bandligini ta’minlash borasida amalga oshirilayotgan ishlar samaradorligini oshirish shuningdek, huquqbuzarliklarning oldini olish va profilaktikasini ta’minlash hamda jinoyatchilikka qarshi kurashish masalalarida tavsiyalar berildi.

✅Shuningdek, Nurbuloq mahallasida joylashgan nodavlat maktabgacha ta’lim tashkiloti hamda 42-umumta’lim maktabida o‘quvchi va tarbiyalanuvchilarga yaratilgan shart-sharoitlar bilan yaqindan tanishildi. O‘rganish davomida tuman tibbiyot birlashmasi tarkibidagi mastlik holatida bo‘lgan shaxslarga tibbiy yordam ko‘rsatish punktidagi sharoitlar ham ko‘zdan kechirilib, deputat o‘zining fikr va takliflarini bildirdi.