Xalq deputatlari Bo‘ston tumani Kengashi raisi M.Tuychiyeva tashabbusi bilan tuman adliya bo‘limi hamda tuman hokimligi mas’ul xodimlari ishtirokida tumandagi tibbiyot texnikumida “Ayollar va bolalarga nisbatan tazyiq va zo‘ravonlikka barham berish” mavzusida targ‘ibot tadbiri tashkil etildi.

Tadbir davomida ishtirokchilarga O‘zbekiston Respublikasi Prezidentining 2026 yil 3 martdagi “Ayollar va bolalar huquqlarining himoyasini kuchaytirish hamda ularga nisbatan tazyiq va zo‘ravonlik holatlarining oldini olish bo‘yicha qo‘shimcha tashkiliy-huquqiy chora-tadbirlar to‘g‘risida”gi PF-33-son Farmonining mazmun-mohiyati yuzasidan batafsil ma’lumotlar taqdim etildi.

Tadbir yakunida yoshlarni qonunlarga hurmat ruhida tarbiyalash, ularning huquqiy savodxonligini oshirish hamda turli salbiy holatlarning oldini olish muhimligi alohida ta’kidlandi.