🔹“Zig‘ir” mahalla fuqarolar yig‘inida istiqomat qilayotgan oilalardagi ayollar bilan bo‘lib o‘tgan ochiq muloqotlar jarayonida: Qo‘qonova Jumagul turmushdan ajrashgani uchun aliment masalasida, Dadaboeva Sayyoraxon bola puli, Sulaymonova
Xabibaxon sog‘ligini tiklash - davolanishi uchun moddiy yordamga muhtojligi bo‘yicha murojaat qilganlar. Deputat fuqarolar murojaatlari yuzasidan tegishli tashkilotlarga deputatlik so‘rovlarini yuboradigan bo‘ldi. 

🔹Deputat Zarifaxon Maxkamova tashabbusi bilan o‘tgan 2025-yilda Zig‘ir qishlog‘ida joylashgan oilaviy shifokorlik poliklinikasining ma’naviy eskirib, yaroqsiz holatga kelib qolgan binosini yangilash masalasi ko‘tarilgan edi. Va nihoyat, 14 ming aholiga xizmat qilayotgan OShP binosini qayta ta’mirlash hamda qo‘shimcha bino qurish ishlari homiylik yo‘li bilan boshlab
yuborildi.